Žychary zachodnich abłaściej Ukrainy pačali błakavać darohi i budavać barykady suprać pryjezdu ludziej, jakich evakuirujuć z Kitaja i chočuć źmiaścić na karancin.
U Vińnikach Lvoŭskaj vobłaści pierakryli padjezd da špitala vieteranaŭ vojnaŭ i represavanych z-za čutak, što da ich pryviazuć evakujavanych z Kitaja ŭkraincaŭ, paviedamlaje Zaxid.net. A ŭ Mikulincach Cierabaŭlanskaha rajona Ciarnopalskaj vobłaści kala 300 čałaviek arhanizavali pratest suprać mahčymaha ŭvozu 98 evakujavanych z Kitaja ludziej.
U Lvoŭskaj vobłaści panika pačałasia ŭ sieradu, 19 lutaha, kali sa špitala pačali evakuiravać pacyjentaŭ.
Na bazie špitala ŭsiaho tolki prajšli vučeńni miedykaŭ pra hatoŭnaść balnic da špitalizacyi chvorych na kitajski karanavirus.
A ŭ Cierabaŭlanskim rajonie Ciarnopalskaj vobłaści žychary nočču pastavili błokposty i dziažurać u ich, kab nie dapuścić pryjezdu evakujavanych z Kitaja ŭkraincaŭ.
