U sudzie Stolinskaha rajona abviaścili prysud pa kryminalnaj spravie ab machlarstvie ŭ bujnym pamiery i padbuchtorvańni da dačy chabaru, piša BiełTA.
Abvinavačanym pa kryminalnaj spravie prachodziŭ były supracoŭnik milicyi. Zhodna z materyjałami spravy, mužčyna prapanavaŭ znajomamu dapamohu ŭ spynieńni kryminalnaha pieraśledu jaho syna. Jon namiakaŭ na suviazi ŭ pravaachoŭnych orhanach, pakolki ŭ svoj čas zajmaŭ roznyja pasady ŭ rajonnym adździele ŭnutranych spraŭ. Zahadzia nie majučy namieru vykanać abiacanaje, zavałodaŭ $5 tysiačami na padstavie pieradačy słužbovym asobam pravaachoŭnych orhanaŭ za spryjalnaje vyrašeńnie pytańnia. Akramia taho, fihurant schilaŭ paciarpiełaha da pieradačy praź jaho ŭ jakaści chabaru jašče $10 tys.
Sud pryznaŭ mužčynu vinavatym u zavałodańni majomaściu šlacham padmanu (machlarstvie) u bujnym pamiery, a taksama padbuchtorvańni da dačy chabaru ŭ bujnym pamiery. Jamu pryznačana pakarańnie ŭ vyhladzie pazbaŭleńnia voli na 3 hady 6 miesiacaŭ u kałonii ŭzmocnienaha režymu z pazbaŭleńniem zvańnia «padpałkoŭnik milicyi». U dachod dziaržavy ź jaho budzie spahnana Br5,2 tys.
Prysud jašče nie ŭstupiŭ u zakonnuju siłu i moža być abskardžany.
