Try novyja vypadki paćvierdžanaha zaražeńnia karanavirusam zafiksavanyja ŭ Francyi, adzin z pacyjentaŭ pamior. Pra heta paviedamiŭ u sieradu na pres-kanfierencyi dyrektar Upraŭleńnia achovy zdaroŭja Francyi Žerom Sałamon, piša TASS.
«Try novyja vypadki paćvierdžany», — zajaviŭ jon. Pavodle jaho słoŭ, havorka idzie pra troch mužčyn-francuzaŭ. 55-hadovy pacyjent z Amjena znachodzicca ŭ ciažkim stanie, 36-hadovy francuz, špitalizavany ŭ Strasburhu, prybyŭ u krainu ź italjanskaj vobłaści Łambardyja, i zaraz jaho dapytvajuć na pradmiet mahčymych kantaktaŭ, kab vyznačyć krynicu zaražeńnia.
«17-y paćvierdžany vypadak — 60-hadovy francuz, čyj dyjahnaz byŭ ustalavany ŭčora ekstranymi słužbami. Jon byŭ dastaŭleny ŭ balnicu Pitvo-Salpietryjer u ciažkim stanie, ale, na žal, pamior», — udakładniŭ Sałamon.
