Kiraŭnictva «Biełaruskaj Chryścijanskaj Demakratyi» źbirajecca źviarnucca pa tłumačeńni da Ministerstva justycyi nakont pahrozy zvolnić z pracy siabru arhkamitetu Lidziju Tryputu.
Tryputa – adna z padpisantak dakumentaŭ, jakija padadzienyja na rehistracyju ŭ Ministerstva justycyi
Jana «była vyklikanaja da svajho načalnika, jaki, spasłaŭšysia na telefanavańnie ź Ministerstva justycyi, pahražaŭ joj niepryjemnaściami na pracy za udzieł u arhkamitecie ŭ spravie stvareńnia partyi «Biełaruskaja Chryścijanskaja Demakratyja», — kaža sustaršynia BCHD Vital Rymašeŭski. «Litaralna, dyjaloh hučaŭ tak: «Ty staviła podpis?» Lidzija Tryputa adkazała, što staviła. Tady načalnik zajaviŭ nastupnaje: «Pracavać dalej chočaš?».
«Kali ułada budzie pracavać takimi brutalnymi metadami, to nam pryjdziecca vyklučyć žančynu sa śpisu siabroŭ arhkamitetu, bo hublać pracu padčas kryzisu nie chočacca nikomu», pieradaje słovy Rymašeŭskaha presavaja słužba BCHD.
«My rasceńvajem hetyja dziejańni jak pačatak palityčnaha cisku i źviazvajem ich z tym, što dniami kiraŭnictva BCHD nakiravała ŭ Ministerstva justycyi usie nieabchodnyja dakumenty dla rehistracyi partyi «Biełaruskaja Chryścijanskaja Demakratyja», — zajaviŭ Vital Rymašeŭski.
