Karanavirus paćvierdžany ŭ dvuch čałaviek u Karahandzie, paviedamiŭ u piatnicu aficyjny pradstaŭnik ministerstva achovy zdaroŭja Kazachstana Dyjas Achmietšaryp, paviedamiŭ «Kazinfarm». Heta pasažyry rejsa Minsk — Nur-Sułtan, jaki 18 sakavika pryziamliŭsia ŭ Karahandzie z-za karancinu.
«Pa Karahandzie dva vypadki: heta pasažyry rejsa 0324 Minsk — Karahanda. Pieršy — 1981 hoda naradžeńnia, druhi — 1972 hoda naradžeńnia», — paviedamiŭ Dyjas Achmietšaryp na anłajn-bryfinhu.
Nahadajem, 18 sakavika samalot Minsk — Nur-Sułtan ździejśniŭ pasadku ŭ Karahandzie, nie dalacieŭšy da miesca pryznačeńnia. Takoje rašeńnie pryniali avijacyjnyja ŭłady Kazachstana, kab pasažyry rejsa biełaruskaj avijakampanii prajšli karancin.
Na borcie było 67 pasažyraŭ. Jany zastalisia ŭ Karahandzie, a samalot viarnuŭsia ŭ Minsk. Jak raspaviali TUT.BY u pasolstvie Biełarusi ŭ Kazachstanie, siarod pasažyraŭ samalota hramadzian Biełarusi nie było.