Sustaršynia Palitrady abjadnanych demakratyčnych siłaŭ Biełarusi Anatol Labiedźka zaklikaŭ staršyniu čarnobylskaj kamisii Pałaty pradstaŭnikoŭ Michaiła Rusaha razam pajechać u Astraviec.
Apazycyjny palityk prapanuje sumiesna parazmaŭlać z žycharami horada, dzie ŭłady planujuć budavać atamnuju elektrastancyju.
Zaprašeńnie było zroblena ŭ Vilni, dzie siońnia zakančvajecca mižnarodnaja kanferencyja ŭ pytańniach jadziernaj biaśpieki, ekalohii i mažlivaściach hramadzianskich strukturaŭ upłyvać na rašeńni palitykaŭ. Dyskusija pakazała, što ŭ inšych krainach, prykładam, Finlandyi, dzie źbirajucca taksama budavać AES, žycharam vykazać svaje adnosiny da budaŭnictva značna praściej. Tam dastatkova patelefanavać u meryju i paviedamić, što pravodzicca peŭnaja akcyja. Heta i padšturchnuła spadara Labiedźku da prapanovy — pajechać u Astraviec i parazmaŭlać ź miascovym nasielnictvam, nakolki im dajuć mažlivaść vykazać svaju pazycyju adnosna budaŭnictva atamnaj stancyi.
Anatol Labiedźka kaža: Michaił Rusy daŭ zhodu jechać razam u Astraviec.
Ale apazycyjny palityk adznačaje, što pradstaŭniki ŭładaŭ pahadžajucca na padobnyja akcyi, kali znachodziacca za miažoj.Ale pa viartańni ŭ Biełaruś zvyčajna zabyvajucca pra abiacańni.
