Rasijski bok całkam padtrymaŭ prapanovy Biełarusi pa pastaŭkach nafty. Pra heta Alaksandr Łukašenka zajaviŭ siońnia padčas dakładu pa pytańniach pracy biełaruskich naftapierapracoŭčych pradpryjemstvaŭ, pieradaje BiełTA.
Fota Nadziei Bužan
Na naradu ŭ Pałac Niezaležnaści pryjechali premjer-ministr Siarhiej Rumas i vice-premjer Juryj Nazaraŭ, staršynia Savieta Respubliki Natalla Kačanava (jana taksama źjaŭlajecca staršynioj naziralnaha savieta na «Naftanie»), kiraŭnik Administracyi prezidenta Ihar Sierhiajenka i jaho namieśnik Valeryj Bielski, dziaržsakratar Savieta biaśpieki Andrej Raŭkoŭ, staršyni KDK i KDB Leanid Anfimaŭ i Valeryj Vakulčyk, ministr zamiežnych spraŭ Uładzimir Makiej i staršynia kancerna «Biełnaftachim» Andrej Rybakoŭ.
Jak rastłumačyŭ kiraŭnik dziaržavy, heta poŭny skład rabočaj hrupy, jakaja pavinna nie prosta manitoryć situacyju ŭ hetaj śfiery, ale i prymać miery pa zahruzcy biełaruskich NPZ. Jana štotydzień pravodzić svaje pasiadžeńni i infarmuje Łukašenku ab vynikach pracy. Kiruje rabočaj hrupaj Ihar Sierhiajenka.
«Ja daručaŭ, kab razhledzieli novyja prapanovy Rasijskaj Fiederacyi pa pastaŭkach vuhlevadarodnaj syraviny. Jany pastupili ad rasiejcaŭ try dni tamu. Ja tak razumieju, rasiejcy całkam pajšli na našy prapanovy pa pastaŭkach nafty?» — spytaŭ Alaksandr Łukašenka.
Kiraŭnik Administracyi paćvierdziŭ heta i paviedamiŭ, što prapanovy Rasii byli razhledžany na pasiadžeńni rabočaj hrupy.
