U Biełarusi źjavicca mahčymaść apłačvać karystańnie płatnymi darohami za peŭny pieryjad času. Heta praduhledžana ŭkazam numar 108, jaki 24 sakavika padpisaŭ Alaksandr Łukašenka, paviedamlaje BiełTA.
Zhodna z ukazam, z 15 śniežnia 2020 hoda va ŭładalnikaŭ transpartnych srodkaŭ z technična dapuščalnaj ahulnaj masaj nie bolšaj za 3,5 t źjavicca mahčymaść apłacić prajezd pa płatnych darohach za peŭny pieryjad. Ciapier płata spahaniajecca z raźliku projdzienaha kiłamietražu.
Dla apłaty za pieryjad času treba budzie nabyć elektronnuju vińjetku. Kupić jaje možna budzie jak u lubym punkcie absłuhoŭvańnia BelToll, tak i addalena — na aficyjnym sajcie apieratara sistemy elektronnaha zboru płaty za prajezd www.beltoll.by.
Ukazam taksama praduhledžana mahčymaść uniasieńnia płaty pa razavym taryfie ŭ vypadku nieapłaty abo niapoŭnaj apłaty prajezdu pa płatnaj aŭtamabilnaj darozie na praciahu dźviuch hadzin z momantu fiksacyi parušeńnia. Pry hetym apłata prajezdu pa razavym taryfie vyklučaje spahnańnie płaty za prajezd u pavialičanym pamiery.
