Fota Nadziei Bužan
Alaksandr Łukašenka siońnia na sustrečy z Natallaj Kačanavaj daručyŭ źviazacca z kiraŭnictvam Suśvietnaj arhanizacyi achovy zdaroŭja i zaprasić u krainu jaje śpiecyjalistaŭ. Z čym źviazana takoje daručeńnie kiraŭnika dziaržavy, BIEŁTA raskazała pres-sakratar prezidenta Biełarusi Natalla Ejsmant.
«Heta daručeńnie źviazana z tym, što my ciapier žyviom va ŭmovach u tym liku i infarmacyjnaha karanavirusa. Štodnia i štohadzinna nazirajem šmatlikija sproby jak maha macniej razhajdać situacyju ŭ ŚMI. My ŭsio adsočvajem i bačym vielmi šmat razmoŭ, sprobaŭ dezynfarmavać ludziej, vykarystać situacyju dla taho, kab padarvać davier da ŭłady», — zajaviła Natalla Ejsmant.
«U pieršuju čarhu dla taho, kab źniać lubyja abvinavačvańni i pakazać, što my ničoha nie chavajem, prezident daručyŭ siońnia staršyni Savieta Respubliki nieadkładna źviazacca z kiraŭnictvam Suśvietnaj arhanizacyi achovy zdaroŭja i zaprasić siudy jaje śpiecyjalistaŭ. Pryčym śpiecyjalistaŭ, kamandu, sfarmavanuju na jaje mierkavańnie, — raspaviała pres-sakratar. — Hetym śpiecyjalistam prapanujuć acanić jak pracu sistemy achovy zdaroŭja ŭ cełym, tak i, padkreślivaju, ciapierašniuju situacyju, našy miechanizmy procidziejańnia samym niebiaśpiečnym infiekcyjam. Paśla hetaha ekśpierty daduć publičnuju acenku ŭbačanamu — adkryta i niepraduziata. Usio heta robicca dla taho, kab u dalejšym nie było nijakich kryvatołkaŭ».
