Taki dyjahnaz zaśviedčany ŭ daviedcy, jakuju svajakam pamierłaha Viktara Daškieviča vydali ŭ lakarni. U paśviedčańni ab śmierci ŭ adpaviednaj hrafie — tolki šyfr z łacinskich litar i ličbaŭ, paviedamlaje «Radyjo Racyja».
Viktar Mikałajevič Daškievič, 75-hadovy akcior Viciebskaha akademičnaha dramatyčnaha teatra imia Jakuba Kołasa, zasłužany artyst Biełarusi, pamior u lakarni ŭnačy z 30 na 31 sakavika. U miedyčnuju ŭstanovu jon trapiŭ 21 sakavika z dyjahnazami «pnieŭmanija» i «chraničnaja abstruktyŭnaja chvaroba lohkich», padčas lekavańnia jamu dvojčy rabili test na najaŭnaść karanavirusa, i druhi z testaŭ pakazaŭ stanoŭčy vynik. Svajaki nie vyklučajuć, što karanavirus jon «padchapiŭ» u ahulnaj pałacie, kudy špitalizavali ŭsich chvorych ź simptomami pnieŭmanii. Paśla taho jak Viktaru Daškieviču stała horš, jaho pieraviali ŭ reanimacyjnaje adździaleńnie i padłučyli da aparata štučnaj vientylacyi lohkich. Ale vyratavać jaho nie ŭdałosia.
