U pamierłaha ŭ Viciebsku akciora teatra było mnostva spadarožnych zachvorvańniaŭ, paviedamiła namieśnica načalnika hałoŭnaha ŭpraŭleńnia pa achovie zdaroŭja Viciebskaha abłvykankama Ludmiła Kavalova ŭ efiry BT-1.
Viktar Mikałajevič Daškievič znachodziŭsia na stacyjanarnym lačeńni ŭ Viciebskim abłasnym śpiecyjalizavanym centry z 24 sakavika 2020 hoda.
«Pastupiŭ jon u našu lačebnuju ŭstanovu z dyjahnazam «dvuchbakovaja pnieŭmanija». Akramia taho, u jaho byli spadarožnyja zachvorvańni: chraničnaja abstruktyŭnaja chvaroba lohkich (ciažkaje praciakańnie), emfiziema, pnieŭmaskleroz, dychalnaja niedastatkovaść 2-j stupieni, chraničnaje lohačnaje serca, chraničnaja niedastatkovaść krovazvarotu, što ŭskładniła ciačeńnie asnoŭnaha zachvorvańnia, pryviało da dychalnaj niedastatkovaści», — skazała Ludmiła Kavalova.
U pracesie lačeńnia pry praviadzieńni abśledavańnia dadatkova ŭ pacyjenta byŭ vyjaŭleny stanoŭčy vynik na RNK karanavirusa, što ŭ svaju čarhu taksama ŭskładniła ciačeńnie asnoŭnaha zachvorvańnia.
«Infikavańnie adbyłosia padčas repietycyi», — dadała Ludmiła Kavalova.
