Adnosiny Biełarusi i ZŠA nijak nie pieraškadžajuć realizacyi Minskam sajuźnickich adnosin z Rasijaj. Pra heta zajaviŭ pasoł Biełarusi ŭ RF Uładzimir Siamaška ŭ apublikavanym u čaćvier intervju rg.ru.
«U nas niama płanaŭ, jak lubiać kazać, pa «sychodu Biełarusi na zachad», i aktyvizacyja našych adnosin z Vašynhtonam nijak nie pieraškadžaje nam praciahvać realizacyju sajuźnickich adnosin z Rasijaj. Rasijskaja Fiederacyja była, jość i zastaniecca našym asnoŭnym sajuźnikam i stratehičnym partnioram», — skazaŭ dypłamat.
1 lutaha adbyŭsia vizit u Minsk kiraŭnika MZS ZŠA Majkła Pampiea. ZŠA i Biełaruś paćvierdzili hatoŭnaść viarnuć pasłoŭ paśla bolš čym dziesiacihadovaha pierapynku.
Alaksandr Łukašenka 3 sakavika zajaviŭ, što raźličvaje na dapamohu ZŠA ŭ stvareńni abjektaŭ łahistyki dla pastaŭki nafty ŭ krainu. Pampiea vykazvaŭ hatoŭnaść ZŠA zabiaśpiečyć Biełaruś naftaj «na 100%».
