Papiarednija źviestki Mizdaroŭja pra kolkaść inficyravanych karanavirusam, apublikavanyja 1 krasavika, źmiaščali infarmacyju pra 215 čałaviek (plus pamierłych).
Heta była infarmacyja pa stanie na 0:01 1 krasavika.
Telehram-kanał Nexta apublikavaŭ zvodku MNS, jakaja ŭdakładniaje źviestki Minzdaroŭja. U joj ukazvajecca kolkaść chvorych na karanavirus pa rehijonach:
- Minsk — 102,
- Viciebskaja vobłaść — 66,
- Minskaja vobłaść — 33,
- Homielskaja vobłaść — 9,
- Hrodzienskaja vobłaść — 4,
- Mahiloŭskaja vobłaść — 1,
- Bresckaja vobłaść — 0.
Jašče raz padkreślim, što dadzienaja zvodka źmiaščaje źviestki pa stanie na kaniec dnia 31 sakavika.
Na praciahu 1 krasavika kolkaść vypadkaŭ pavialičyłasia. Tak, struktury Minzdaroŭja raspaŭsiudzili infarmacyju pra vyjaŭleńnie chvoraha na Brestčynie.
Pavodle infarmacyi «Našaj Nivy», atrymanaj z roznych krynic, za 1 krasavika kolkaść zachvarełych u Minsku vyrasła sa 102 da 158 čałaviek. Źviestak ź inšych abłaściej pa stanie na 1 krasavika my pakul nie majem.