Učora stała viadoma, što pieršy vypadak karanavirusa zafiksavali ŭ Bresckaj vobłaści. Siońnia vyśvietliłasia, što heta žychar Stolinskaha rajona, paviedamlajuć «Naviny Paleśsia».
Dvuch žycharoŭ rajona dastavili 31 sakavika ŭ infiekcyjnaje adździaleńnie Bresckaj abłasnoj balnicy. Jany kantaktavali z žančynaj, jakaja pryjechała ź inšaj vobłaści i akazałaasia nośbitam karanavirusa. Analiz paćvierdziŭ najaŭnaść COVID-19 u adnaho z abśledavanych.
Pryčym, jak zaznačaje vydańnie, pacyjenty prajavili vialikuju biezadkaznaść i naadrez admaŭlalisia jechać u abłasnuju balnicu pa dobraj voli. Pryjšłosia pastupić u adpaviednaści z zakonam — z užyvańniem prakurorskich sankcyj. Tamu ich špitalizavali z dapamohaj supracoŭnikaŭ milicyi.
Hałoŭny ŭrač Stolinskaj CRB Viktar Majsiuk źviarnuŭsia da žycharoŭ rajona z prośbaj biezumoŭnaha vykanańnia praviłaŭ asabistaj hihijeny i adkaznaści pierad inšymi hramadzianami:
«Časta myć ruki, vykarystoŭvać antysieptyki, maksimalna skaracić vizity ŭ kramy i palikliniki. Asabliva ludziam, starejšym za 60 hadoŭ, i ŭsim, chto maje chraničnyja zachvorvańni! Nu i, zrazumieła, nie admaŭlacca ad špitalizacyi, kali jaje prapanujuć. Heta bahata surjoznymi nastupstvami. Karanavirus padobny da śniežnaha kamiaku: u kožnaha chvoraha — dziasiatki kantaktaŭ!»
