Ad pasady staršyni Kryčaŭskaha rajvykankama adchileny Siarhiej Šacki. Infarmacyju TUT.BY paćvierdzili ŭ Mahiloŭskim abłvykankamie. Na hetym miescy Šacki prapracavaŭ 3,5 miesiaca. Pryčynu adchileńnia nie nazyvajuć.
Fota: horki.info
U abłvykankamie padkreślili: Šacki ad pasady adchileny, ale nie vyzvaleny. Pryčynu adchileńnia nie nazyvajuć.
Abaviazki staršyni Kryčaŭskaha rajvykankama časova vykonvaje namieśnik — načalnik upraŭleńnia pa sielskaj haspadarcy i charčavańni Ihar Miacielica. Pavodle jaho słoŭ, novyja abaviazki jon vykonvaje z 2 krasavika, paśla taho jak hubiernatar Leanid Zajac adchiliŭ Šackaha ad pasady.
Siarhiej Šacki staŭ kiraŭnikom Kryčaŭskaha rajvykankama ŭ kancy śniežnia 2019 hoda. Za 2 miesiacy da hetaha jaho pradstaŭlali ŭ Drybinskim rajvykankamie jak novaha pieršaha namieśnika staršyni. Heta značyć, za paŭhoda jon źmianiŭ dva miescy pracy.
Šacki rodam ź vioski Vysokaje Aršanskaha rajona, jamu 39 hadoŭ. Skončyŭ Biełaruskuju dziaržaŭnuju sielhasakademiju. Byŭ inžynieram-rybavodam u Sieńnienskim rajonie, potym niekalki hadoŭ pracavaŭ na lesapilnym učastku ŭ Aršanskim rajonie. Z 2011 hoda 7 hadoŭ byŭ pieršym namieśnikam va ŭpraŭleńni sielskaj haspadarki i charčavańnia Aršanskaha rajvykankama. Viasnoj 2018-ha byŭ pryznačany pieršym namieśnikam staršyni Horackaha rajvykankama (načalnikam upraŭleńnia pa sielskaj haspadarcy i charčavańni), dzie pravioŭ roŭna paŭtara hoda. A ŭ kastryčniku 2019-ha byŭ pradstaŭleny na takuju ž pasadu ŭ Drybinskim rajvykankamie, dzie prapracavaŭ nie bolš za dva miesiacy da pryznačeńnia kiraŭnikom Kryčaŭskaha rajona.
