Kancler Aŭstryi Siebaśćian Kurc padaje prykład našeńnia maski. Fota Arno Melicharek, bild.de
Fiederalny kancler Aŭstryi Siebaśćian Kurc na pres-kanfierencyi ŭ Vienie ŭ paniadziełak, 6 krasavika, zajaviŭ, što adrazu paśla katalickaha i pratestanckaha Vialikadnia — heta značyć, pačynajučy z 14 krasavika, - ułady pačnuć źmiakčać žorstkija abmiežavalnyja miery ŭ krainie, uviedzienyja raniej u suviazi z pandemijaj SARS-CoV-2, piša Deutsche Welle.
Pavodle jaho słoŭ, pry zachavańni nieabchodnych mier zaściarohi z hetaha dnia zmohuć raspačać rabotu nievialikija kramy z płoščaj da 400 kvadratnych mietraŭ, a taksama śpiecyjalizavanyja handlovyja pradpryjemstvy, dzie pradajucca budaŭničyja i sadovyja pryłady.
Z 1 maja pa płanie pavinny adkrycca ŭsie astatnija kramy, handlovyja centry i cyrulni. Kančatkovaje rašeńnie nakont hetaha maje być pryniataje ŭ kancy krasavika.
Škoły, adnak, buduć začynienyja minimum da siaredziny traŭnia, usie masavyja mierapryjemstvy admienieny da kanca červienia.
Padoŭžanyja abmiežavańni na pierasoŭvańnie hramadzian
Razam z tym Kurc da 1 maja padoŭžyŭ abmiežavańni na pieramiaščeńnie nasielnictva. Ciapier žychary majuć prava pakidać dom pa čatyroch pryčynach. Pa-pieršaje, kab pajści na pracu, pa-druhoje, pa pradukty, pa-treciaje, dla dapamohi starym i chvorym, i, pa-čaćviortaje, dla indyvidualnych zaniatkaŭ sportam na śviežym pavietry.
Jak paviedamiŭ 6 krasavika ministerstva achovy zdaroŭja Aŭstryi, lik pamierłych ad nastupstvaŭ COVID-19 dasiahnuŭ 220, inficyravany zvyš 12 tysiač, vyzdaravieli — 3 463 čałavieki.