Sustaršynia Biełaruskaj chryścijanskaj demakratyi Pavieł Sieviaryniec lacieŭ adnym rejsam u Frankfurt (Hiermanija) z premjer‑ministram Siarhiejem Sidorskim.
«Heta było 8 sakavika, kali my razam z Alesiem Łahvincom nakiroŭvalisia ŭ Strasburh dla sustrečy ź jeŭradeputatami. Jašče ŭ aeraporcie było ažyŭleńnie, padumaŭ niaŭžo praz maju ścipłuju asobu, nu roznaje byvaje. Užo pa prylocie ŭ Frankfurt mianie pichnuŭ Łahviniec. Maŭlaŭ, pahladzi z kim my razam lacieli.
Pryhledzieŭsia — Siarhiej Sidorski. Išoŭ razam ź niejkaj žančynaj. Ci to dačka, ci to žonka.U jaje rukach byli kvietki, viadoma ž, 8 Sakavika. U Hiermanii jaho sustrakała istotnaja delehacyja, čałaviek piatnaccać, mahčyma, što i z pasolstva niechta. My pavitalisia ź Sidorskim, jon nam taksama adkazaŭ», — kaža P.Sieviaryniec.
My źviarnulisia da pres‑sakratara premjer‑ministra Alaksandra Cimašenki z pytańniem, ci heta byŭ pracoŭny vizit, ci pryvatny.
«Pra hetuju pajezdku ja ničoha nie viedaju», — adkazaŭ A.Cimašenka.
Na sajcie Savietu ministraŭ nijakich źviestak ab pracy Siarhieja Sidorskaha nie było ad 8 da 17 sakavika.
Pavodle niepaćvierdžanaj infarmacyi, dačka S.Sidorskaha vučycca ŭ Niamieččynie. Udakładnić hetuju infarmacyju nam taksama nie ŭdałosia.