Krainy APIEK+ u čaćvier adnoviać pieramovy pa rynku nafty paśla pravalnaj sustrečy ŭ Vienie ŭ pačatku sakavika. Zrešty, čakać ad narady imhniennaj ździełki nie varta, bo ŭ hety raz abmiarkoŭvajecca abjom skaračeńnia zdabyčy amal u try razy bolšy, čym miesiac tamu, kažuć apytanyja tass.ru ekśpierty. Adnak ciapier rynak supakojać navat sumiesnyja zajavy ab nieabchodnaści abmiežavańniaŭ i sihnały pra toje, što siakiera vajny zakapanaja.
Pohlady Rasii i Saudaŭskaj Aravii ŭ naftavaj palitycy razyšlisia pierad sakavickaj sustrečaj APIEK+ u Vienie, kali Er-Ryjad prapanavaŭ uzmacnić kvotu pa skaračeńni zdabyčy jašče na 1,5 młn b/s. Takim čynam, z krasavika źnižać zdabyču ŭ APIEK+ prapanoŭvałasia ŭžo na 3,2 młn b/c. Rasija nie pahadziłasia, pieramovy skončylisia ničym. 31 sakavika pahadnieńnie skončyłasia. Bieź jaho krainy atrymali mahčymaść adnaŭlać zdabyču pa svaim mierkavańni.
Z hetaha momantu, jak pryznavali naziralniki, na rynku nafty pačałasia cenavaja vajna. Jana vyjaŭlałasia ŭ zajavach saŭdzitaŭ naraścić zdabyču amal na tracinu — da 12,3 młn b/s. Va ŭmovach źnižeńnia popytu ceny nafty abvalilisia da 20-hadovaha minimumu. Adnak paśla ŭmiašańnia ZŠA, najbujniejšaha ŭ śviecie vytvorcy nafty, karaleŭstva zajaviła pra hatoŭnaść adnavić kansultacyi na bazie APIEK+.
Pieršapačatkova sustreča płanavałasia na 6 krasavika, ale z-za prapanovy zaprasić da ŭdziełu ŭ pieramovach inšych bujnych vytvorcaŭ nafty ź liku G20 jaje pieranieśli na 9 krasavika. Usiaho da ŭdziełu APIEK zaprasiŭ 36 krain, siarod jakich ZŠA, Kanada, Brazilija, Mieksika i Narviehija.
Minenierha RF užo paćvierdziła hatoŭnaść źnizić zdabyču ŭ ramkach novych damoŭlenaściaŭ na 1,6 młn b/s, što składzie prykładna 14% ad siaredniaha ŭzroŭniu zdabyčy krainy ŭ pieršym kvartale, ale partnioram jašče jość što abmiarkoŭvać.
Tak, kali Rasieja prapanuje skaračać zdabyču ad uzroŭniu pieršaha kvartała, to Saudaŭskaja Aravija hatova adrezać tolki ad uzroŭniu na pačatak krasavika, kali jon byŭ maksimalnym. Niama pakul kansensusu i z nahody raźmierkavańnia kvot unutry APIEK, a taksama ab pieryjadzie skaračeńnia. Inšaj pieraškodaj u pieramovach moža stać pazicyja Irana, jaki vystupiŭ suprać arhanizacyi sustrečy, nie vieračy ŭ jaje paśpiachovaść.
Kali ździełka sarviecca, to ceny, u tym liku na fizičnym rynku, mohuć abvalicca jašče nižej.
Pačatak pieramovaŭ APIEK+ zapłanavany na 16:00, jany projduć u farmacie viebinara.
