Kancern «Biełnaftachim» u krasaviku čakaje tankiery z azierbajdžanskaj i narviežskaj naftaj. Pra heta paviedamiŭ BiełTA pres-sakratar «Biełnaftachima» Alaksandr Ciščanka.
«11 krasavika čakajecca prybyćcio tankiera ŭ port Paŭdniovy z 85 tysiačami ton azierbajdžanskaj nafty. A da siaredziny krasavika ŭ Kłajpiedu pryjdzie jašče adzin tankier z narviežskaj naftaj — 85 tysiač ton», — raspavioŭ Alaksandr Ciščanka.
Jak paviedamlałasia, u sakaviku Socar adpraviła ŭ Biełaruś try tankiery nafty, heta kala 250 tysiač ton nafty. Jana była dastaŭlena ŭ port Adesy i zatym prapampavanaja trubapravodnym transpartam na Mazyrski NPZ. Staršynia kancerna «Biełnaftachim» Andrej Rybakoŭ paviedamlaŭ, što Socar ŭ 2020 hodzie moža pastavić u Biełaruś da 1 młn ton nafty.
U studzieni hetaha hoda Biełaruś kupiła pieršuju partyju narviežskaj nafty dla pierapracoŭki ŭ AAT «Naftan».
Na krasavik taksama zaklučany kantrakt pastaŭki nafty z Rasii.
