Palicyja Ukrainy zatrymała mužčynu, jaki padazrajecca ŭ datyčnaści da pažaru ŭ zonie adčužeńnia Čarnobylskaj AES. Pra heta paviedamlajecca na sajcie Nacyjanalnaj palicyi Ukrainy.
Zatrymanym akazaŭsia 37-hadovy miascovy žychar. Jon paliŭ śmiećcie kala svajho doma, zatym pahruziŭ reštki vohnišča na tačku i vyviez za miežy vioski, dzie vysypaŭ na suchuju travu. Paśla taho jak jana zaharełasia, mužčyna pasprabavaŭ patušyć uzharańnie samastojna.
Z-za vietru jaho płošča pavialičyłasia, ahoń pierakinuŭsia na lasny masiŭ i paźniej zakranuŭ zonu adčužeńnia.
U dačynieńni zatrymanaha mužčyny budzie raspačata kryminalnaja sprava za źniščeńnie abo paškodžańnie lasnych masivaŭ.
Pažarnyja ŭsio jašče praciahvajuć zmahacca z pažaram na terytoryi Čarnobylskaj AES.
Hihancki lasny pažar spalić Čarnobyl? Nie vyklučana
