Heta adbyłosia ŭ noč na 11 krasavika ŭ adnoj sa šmatpaviarchovak Mazyra, paviedamlaje abłasnaja milicyja.
Žančyna pačuła šum na leśvičnaj placoŭcy. Jana pahladzieła ŭ vočka i ŭbačyła nieznajomaha mužčynu. Toj byŭ pjany i kuryŭ. Mazyranka vyjšła z kvatery i zrabiła nieviadomamu zaŭvahu. U adkaz toj dastaŭ pistalet i prystaviŭ da hałavy žančyny. Jana paklikała na dapamohu muža.
Haspadar adšturchnuŭ napadnika i vybiŭ pnieŭmatyku ź jaho ruk. Toj u adkaz dastaŭ elektrašokier, ale skarystacca im taksama nie zmoh. Muž znoŭ pazbaviŭ kryŭdziciela zbroi, skruciŭ jaho i nie daŭ źbiehčy da prybyćcia milicejskaha naradu.
Milicyjanty dastavili 29-hadovaha žychara Mazyra ŭ miedycynskuju ŭstanovu. Ahlad pakazaŭ najaŭnaść 1,5 pramile.
0
0
0
0
0
0
