U Viciebskaj vobłaści špitalizujuć usich chvorych ź pnieŭmanijami, zajaviŭ žurnalistam načalnik hałoŭnaha ŭpraŭleńnia pa achovie zdaroŭja abłvykankama Michaił Višniaviecki pierad pasiadžeńniem abłasnoha štaba pa baraćbie z raspaŭsiudžvańniem karanavirusa, pieradaje BIEŁTA.
«Raniej niekatoryja vypadki pnieŭmanii lačyli ŭ ambułatorna-palikliničnym źvianie. Zaraz kantralujecca kožnaja situacyja i ludziej špitalizujuć, — skazaŭ jon. — Kolkaść pnieŭmanij na siońnia ŭ Viciebsku supastaŭnaja z uzroŭniem minułaha tydnia, kolkaść ciažkich pacyjentaŭ nie pavialičvajecca. Jość pastupovy rost ludziej z hetym zachvorvańniem pa vobłaści, što było čakana».
Adkazvajučy na pytańnie ab situacyi ŭ Dokšyckim rajonie, Michaił Višniaviecki adznačyŭ, što lačebnyja ŭstanovy pracujuć ź pnieŭmanijami. Kab łožkaŭ było dastatkova, adno z adździaleńniaŭ balnicy pieraprafilavali. «Situacyja pad kantrolem. Kali pačniecca pryrost, to budziem prymać rašeńnie ab špitalizacyi pacyjentaŭ u inšy rajon», — skazaŭ načalnik upraŭleńnia.
Za minułyja sutki ŭ situacyi z vostrymi reśpiratornymi infiekcyjami ŭ Viciebskaj vobłaści nazirajecca stanoŭčaja dynamika da źnižeńnia ŭzroŭniu zachvorvańnia na 16,7%. Idzie spad i ŭ najbujniejšych haradach rehijonu. U struktury chvorych pieravažajuć darosłyja.
