Ministerstva abarony Biełarusi vydzieliła dla ŭstanoŭ achovy zdaroŭja, dzie atrymlivajuć dapamohu chvoryja na karanavirus, miedycynskaje abstalavańnie, paviedamlajecca ŭ telehram-kanale viedamstva.
Biełaruskaja armija pieradała ŭ balnicy krainy ŭ tym liku aparaty štučnaj vientylacyi lohkich, a taksama kisłarodnaje-inhalacyjnyja stancyi, kožnaja ź jakich dazvalaje ažyćciaŭlać kisłarodnuju padtrymku adnačasova 20 pacyjentaŭ.
Na siońnia va Uzbrojenych siłach udajecca zachavać spryjalnuju epidemijałahičnuju abstanoŭku. Časova abmiežavanyja zvalnieńni, naviedvańni vajennasłužačych, mierapryjemstvy, źviazanyja ź pieramiaščeńniem voinskich padraździaleńniaŭ. Asablivaja ŭvaha nadajecca kantrolu za stanam zdaroŭja ŭdzielnikaŭ paradu.
Na kantrolna-prapusknych punktach voinskich čaściej razhornuty miedycynskija pasty, dzie štodnia pierad tym, jak prajści na terytoryju častki, prachodziać ahlad i, pry nieabchodnaści, termamietryju ŭsie vajskoŭcy kantraktnaj słužby i hramadzianski piersanał.
