Alaksiej Nikolski, pres-słužba prezidenta RF, TASS
Rasijskija vieteranskija arhanizacyi nakiravali prezidentu Rasii Uładzimiru Pucinu zvarot z prośbaj pieranieści parad Pieramohi ŭ Maskvie z 9 maja na bolš poźniuju datu, kali situacyja z raspaŭsiudžvańniem karanavirusa narmalizujecca.
Podpisy pad zvarotam, jaki jość u rasparadžeńni TASS, pastavili prezident Rasijskaj asacyjacyi hierojaŭ Uładzimir Šamanaŭ, staršynia Usierasijskaj hramadskaj arhanizacyi vieteranaŭ (piensijanieraŭ) vajny, pracy, uzbrojenych sił i pravaachoŭnych orhanaŭ Uładzimir Jepifanaŭ i kiraŭnik Ahulnarasijskaj hramadskaj arhanizacyi vieteranaŭ Uzbrojenych sił Rasijskaj Fiederacyi Viktar Jermakoŭ.
«Ad imia ŭsioj vieteranskaj supolnaści prosim vas pryniać składanaje, ale, jak my ličym, spraviadlivaje rašeńnie ab praviadzieńni vajennaha paradu ŭ inšuju datu, kali ŭ adpaviednaści z epidemijałahičnaj situacyjaj parad stanie nie pahrozaj, a sapraŭdy uračystaściu miru i biaśpieki dla ŭsich jaho ŭdzielnikaŭ», — havorycca ŭ zvarocie.
«Na žal, situacyja ŭ śviecie pryviała da taho, što sioleta 9 maja dać harantyju biaśpieki zdaroŭja pry praviadzieńni parada niemahčyma», — kanstatavali kiraŭniki vieteranskich arhanizacyj, padkreśliŭšy, što praviadzieńnie mierapryjemstvaŭ «nie moža stavić pad pahrozu zdaroŭje jaho ŭdzielnikaŭ i haściej».
«Na našu dumku, heta rašeńnie (ab pieranosie parada) pasłužyć prajavaj pavahi da vieteranaŭ, jakija zmahalisia za budučyniu krainy, da vajskoŭcaŭ, jakija stajać ciapier na varcie Radzimy, i da ŭsich našym hramadzian, jakija adznačajuć Dzień Pieramohi jak hałoŭnaje śviata našaj Vialikaj Rasii!» — dadali aŭtary zvarotu.
