Pra heta zajaviła namieśnik ministra — hałoŭny dziaržaŭny sanitarny doktar Biełarusi Natalla Žukava ŭ intervju prahramie «Kontury» na telekanale ANT, paviedamlaje BIEŁTA.
«Na praciahu 2-3 tydniaŭ situacyja nie skončycca, my budziem u epidpracesu. Ale chacieła b adznačyć, što situacyja kiravanaja. Jość pieradumovy mierkavać, što zachvorvańnie pavinna źnižacca ŭ najbližejšyja 3-4 tydni», — adznačyła Natalla Žukava.
Jana patłumačyła, što Ministerstva achovy zdaroŭja adsočvaje zachvorvańnie reśpiratornymi infiekcyjami, tamu moža zrabić takuju vysnovu. «Źnižeńnie zachvorvańnia na reśpiratornyja infiekcyi pa ŭsich rehijonach Biełarusi daje nam padstavy mierkavać, što i zachvorvańnie na karanavirusnuju infiekcyju praź niekalki tydniaŭ stabilizujecca ci pačnie źnižacca», — udakładniła namieśnik ministra.
Pavodle jaje słoŭ, pravodzicca vialikaja praca pa łakalizacyi ačahoŭ COVID-19. «Kožny vypadak karanavirusnaj infiekcyi razhladajecca jak ačah, i ŭ abaviazkovym paradku viadziecca pošuk kantaktaŭ. Takim čynam, my pieraryvajem łancužok raspaŭsiudžvańnia virusa. Heta abaviazkovaja ŭmova dla strymlivańnia epidpracesu», — padkreśliła jana.
Ad suboty Minzdaroŭja pierastała nazyvać ahulnuju ličbu chvorych na karanavirus z pačatku ŭspyški.
U piatnicu była ličba 4779 vypadkaŭ, a ŭ subotu i niadzielu nazyvałasia kolkaść tych, chto lečycca stacyjanarna — 3282 i 3586 adpaviedna.