Isnujučyja suśvietnyja dadzienyja pakazvajuć, što virus COVID-19 pieradajecca ad čałavieka da čałavieka praz kropli, pradmiety i blizki kantakt, z mahčymym raspaŭsiudžvańniem ź fiekalijami.
Zhodna ź infarmacyjaj, pradstaŭlenaj SAAZ na dadzieny momant, cieły pamierłych ad infiekcyi COVID-19 nie źjaŭlajucca krynicaj infiekcyi. Na siońniašni dzień niama nijakich śviedčańniaŭ taho, što ludzi zarazilisia ad kantaktu ź ciełami ludziej, jakija pamierli ad COVID-19.
Isnuje raspaŭsiudžany mif, što ludzi, jakija pamierli ad infiekcyi COVID-19, pavinny być kremiravany, ale heta nie tak. Kremacyja — heta pytańnie kulturnaha vybaru i dastupnych resursaŭ.
Razam z tym, Ministerstva achovy zdaroŭja Respubliki Biełaruś prymaje dadatkovyja miery zaściarohi z metaj vyklučeńnia navat tearetyčnaj mahčymaści zaražeńnia.
Cieła pamierłaha ŭ morhu prachodzić dezynfiekcyju. Balzamavańnie nie rekamiendujecca, kab paźbiehnuć praźmiernych manipulacyj ź ciełam.
Asoby, pamierłyja ad infiekcyi COVID-19, mohuć być pachavany abo kremiravany, rašeńnie prymajecca rodzičami z ulikam siamiejnych tradycyj, a taksama apošniaha volevyjaŭleńnia pamierłaha.
Pachavańnie prosiać pravodzić u dzień vydačy cieła pamierłaha.
Na cyrymonii raźvitańnia z pamierłym rekamiendujecca minimizavać kolkaść prysutnych (abmiežavacca tolki samymi blizkimi svajakami), całkam vyklučyć dotyku da cieła, u tym liku nie całavać, zachoŭvać dystancyju nie mienš za 1 mietr ad pamierłaha, a taksama vykonvać praviły sacyjalnaha dystancyjavańnia.
Prysutnaść dziaciej, darosłych, starejšych za 60 hadoŭ, asob, jakija majuć reśpiratornyja zachvorvańni, chraničnyja chvaroby serca, cukrovy dyjabiet ci imunadeficyt, pa mahčymaści, pavinna być abmiežavana pry pachavańni.
Cyrymonija raźvitańnia moža prachodzić jak pry adkrytaj (pry ŭmovie vykonvańnia vyšejpieraličanych rekamiendacyj), tak i pry zakrytaj trunie.
Rytualnym słužbam, jakija pravodziać pachavańnie, varta nadziavać maski, a taksama palčatki, i myć ruki z myłam i vadoj paśla źniaćcia palčatak, kali pachavańnie zavieršana.
