Da 69 pavialičyłasia kolkaść vypadkaŭ infikavańnia karanavirusam u Aršanskim rajonie, pra heta paviedamiŭ hałoŭny dziaržaŭny sanitarny ŭrač horada Orša i Aršanskaha rajona Viciebskaj vobłaści Siarhiej Bieły, paviedamlajuć «Narodnyja naviny Viciebska».
U Biešankovickim rajonie na COVID-19 užo zachvareli 28 čałaviek, 4 ź ich pamierli. Ale hetyja danyja, jakija siońnia pryvodzić hazieta «Zara», tolki na 17 krasavika, heta značyć užo trochdzionnaj daŭniny.
U balnicy Biešankovičaŭ znachodzicca 55 čałaviek ź pnieŭmanijaj, 6 ź ich — chvoryja na COVID-19. Adzin z supracoŭnikaŭ miedustanovy zaraziŭsia karanavirusam.
Pavodle haziety «Pastaŭski kraj», u Pastaŭskim rajonie na 20 krasavika zafiksavali 21 vypadak infikavańnia karanavirusam, takim čynam za minułyja vychadnyja dadałosia troje pacyjentaŭ.
Jašče 2 čałavieki zarazilisia COVID-19 u Sieńnienskim rajonie, ahulnaja kolkaść chvorych dasiahnuła 4, paviedamlaje «Hołas Sieńnienščyny». Na žal, hetyja źviestki i zusim za 16 krasavika.
Taksama novy vypadak karanavirusnaj infiekcyi znojdzieny ŭ Hłybockim rajonie, piša «Vieśnik Hłyboččyny». Tam zaraz taksama 4 chvoryja.
