23 krasavika Minski hadzińnikavy zavod «Łuč» zapuściŭ u prodaž dabračynnuju sieryju hadzińnikaŭ «Čas dapamahać». Novaja madel stvorana dla taho, kab dapamahčy miedycynskim rabotnikam padčas epidemii: usie atrymanyja srodki pojduć na dabračynny rachunak Ministerstva achovy zdaroŭja.
Na cyfierbłacie hadzińnikaŭ vyhraviravany nadpis: «Maja dapamoha ŭračam suprać COVID-19». Na zadnim viečku korpusa vytvorca źmiaściŭ słovy padziaki miedycynskim rabotnikam na 17 movach. Akramia biełaruskaha «dziakuj», tam možna znajści anhlijskaje «thank you», ukrainskaje «diakujemo», francuzskaje «merci», polskaje «dziękuję» i inšyja moŭnyja varyjanty. Łatunievy korpus dapaŭniaje jarki čyrvony niejłonavy ramieńčyk, jaki stanie admietnym znakam nieabyjakavaha ŭdzielnika akcyi. Madel ustojlivaja da ŭździejańnia vilhaci: hadzińnik nie baicca kropiel daždžu i pyrskaŭ ad myćcia ruk.
Hadzińniki madeli «Čas dapamahać» užo dastupnyja dla zakazu na aficyjnym sajcie Minskaha hadzińnikavaha zavoda. Košt 69 BYN. Zakazvajučy, možna vybrać funkcyju dastaŭki biez kantaktu z kurjeram. Novuju madel taksama možna nabyć u aficyjnych kramach «Promnia» pa adrasie: h. Minsk, pr. Niezaležnaści, 18 i 95.
