president.gov.by
Na naradzie ŭ Łukašenki pa pytańniach ekanomiki i karanavirusa ŭrad prapanavaŭ vyznačyć haliny, jakija ŭ najbolšaj stupieni pacierpiać ad zamarudžvańnia ekanamičnaj aktyŭnaści i padzieńnia popytu, paviedamlaje BiełTA.
Uniesieny na razhlad prezidenta pakiet mier ich padtrymki datyčycca pytańniaŭ padatkaabkładańnia, arendnych i pracoŭnych adnosin, a taksama šeraha adčuvalnych sacyjalnych aśpiektaŭ
«Heta buduć rekamiendacyi hubiernataram. I jakim-niebudź pradpryjemstvam, za jakija ŭrad niepasredna adkazvaje. Kali my budziem vydzialać niejkija hrašovyja srodki dla ekanomiki — ich buduć dzialić hubiernatary, jany hetaha patrabavali. Jany kažuć: my sami raźbiaromsia — ci kramu padtrymlivać, chimvałakno, ci jakoje-niebudź dyvanovaje pradpryjemstva. Jany majuć racyju, im tam bolš vidać, kali my budziem hetyja srodki kamuści vydzialać. My nie pavinny ź Minska čajnaj abo stałovaj łyžkaj dzialić hetyja hrošy, kamu što dastaniecca. Nie treba hetym zajmacca. I dziakuj bohu, što rehijony biaruć na siabie hetyja pytańni», — skazaŭ Alaksandr Łukašenka.
Pry hetym kiraŭnik dziaržavy ličyć, što treba stymulavać ludziej i asabliva mały biznes da raboty.
«Kab tyja ž restarany vieźli abiedy na pradpryjemstvy, nie zavyšajučy ceny, damoŭ da ludziej: my ž paprasili starych ludziej siadzieć doma, a ich treba nakarmić. Jość mnohija siemji, jakija samaizalavalisia, — ich taksama treba nakarmić.
I mnohija restarany pajšli pa hetym šlachu, a niekatoryja siadziać, skłaŭšy ruki, i čakajuć, što im niechta niešta daść. Nichto nikomu ničoha nie daść. A kali chtości choča, kab jamu dali, niachaj skaža: dzie heta ŭziać?
My što, budziem siońnia zabirać u ludziej, jakija napružvajucca, i addavać tym, chto siońnia hultajničaje? Hetaha nie budzie», — padkreśliŭ jon.
