Nadzvyčajnaje zdareńnie adbyvajecca 24 krasavika ŭ Breście. Fatahrafii lesu, što pałaje, chutka patrapili ŭ sietku. Apublikavaŭ ich Vaśka Piłot, jaki pieryjadyčna robić zdymki horada z dapamohaj kvadrakoptara, paviedamlaje «Bresckaja hazieta».
Na zdymkach vidać, što połymia achoplivaje značnuju častku lesu. Dym ad pažaru prykmietny ŭ roznych rajonach Bresta, u tym liku na Rečycy, Płoscy i Biarozaŭcy.
Niedaloka ad ahmianiu ŭzharańnia znachodzicca zapraŭka.
Aficyjny pradstaŭnik upraŭleńnia MNS pa Bresckaj vobłaści Siarhiej Mašnoŭ paćvierdziŭ «BH», što heta haryć lesaparkavaja zona ŭ mikrarajonie Zadvorcy. Paviedamleńnie pra heta pastupiła ratavalnikam jašče ŭ 13.40. Pieršapačatkova tudy vysłali 6 adzinak techniki.
Pa stanie na 17.10 pažar nie likvidavany.
«Zapraŭki tam nie harać, nie vybuchajuć, pracuje MNS. Bolš pakul što ničoha nie skažu. Pra niejkija pahrozy dla horada kazać nie davodzicca na hety momant. Ab płoščy i pryčynach uzharańnia kazać rana», — paviedamiŭ Siarhiej Mašnoŭ.
