Paŭnočnakarejskaja hazieta Rodong Sinmun, drukavany orhan kirujučaj Pracoŭnaj partyi krainy, pakazała fatahrafii kiraŭnika KNDR Kim Čen Yna z adkryćcia zavoda pa vytvorčaści uhnajeńniaŭ. Materyjały apublikavanyja na sajcie vydańnia. Fota z Kim Čen Ynam taksama pakazała Centralnaje telehrafnaje ahienctva KNDR, piša RBK.
Na fotazdymkach paŭnočnakarejski lidar vyhladaje zdarovym, uśmichajecca fatohrafam.
Paŭdniovakarejskaje ahienctva Yonhap adznačyła, što paŭnočnakarejski lidar źjaviŭsia na publicy ŭpieršyniu za apošnija 20 dzion. U krasaviku CNN paviedamiŭ, što staršynia Dziaržsavieta pieranios apieracyju na sercy i stan jaho zdaroŭja pahoršyŭsia. Telekanał adznačaŭ, što jon nie źjaŭlaŭsia na publicy z 11 krasavika, a 15 krasavika prapuściŭ ŭračystuju cyrymoniju z nahody hadaviny z dnia naradžeńnia Kim Ir Siena ŭpieršyniu za doŭhija hady.
