U niadzielu 3 maja na płoščy Lenina ŭ Breście prajšło tradycyjnaje karmleńnie hałuboŭ na znak pratestu suprać akumulatarnaha zavoda, jaki pabudavany za niekalki kiłamietraŭ ad horada. Pavodle acenak pravaabaroncaŭ, udzieł u im uziali niekalki sotniaŭ čałaviek, bolšaść ź ich było ŭ maskach, paviedamlaje Bresckaja hazieta.
Adnoj z asnoŭnych tem, jakija abmiarkoŭvalisia na płoščy, stała źniknieńnie aktyvistaŭ Dźmitryja Andrasiuka i Alaksandra Kabanava, jakija ranicaj pavinny byli vyjści ź IČU Leninskaha RAUS paśla 15 sutak aryštu, ale hetaha nie adbyłosia. Suviazi ź imi na momant publikacyi nie było.
Akramia taho, na płoščy adbyłasia sproba pravakacyi.
Paśla akcyi pratestu na płoščy jaje ŭdzielniki pajšli pa centralnych vulicach Bresta da kinateatra «Biełaruś». Jany skandavali łozunhi: «Nie zavodu AKB», «Svabodu aktyvistam», «Čynoŭnikaŭ na nary», «Hienacyd nie projdzie», «Łukašenka, sychodź» i inšyja. Takija šeści prachodziać u Breście z 12 krasavika 2020 hoda.
Jak paviedamiŭ pravaabaronca Raman Kiślak, adrazu paśla akcyi pratestu ludzi ŭ cyvilnym zatrymali mužčynu, jaki padčas šeścia išoŭ u pačatku kałony i nios ściah Bresta.
