Mižnarodnaja hrupa navukoŭcaŭ padčas ekśpierymientaŭ, praviedzienych va Utrechckim univiersitecie, znajšła monakłanalnaje antycieła, jakoje zmahło ŭ łabaratornych umovach adoleć COVID-19. Artykuł ab svaim daśledavańni navukoŭcy apublikavali 4 maja ŭ navukovym časopisie Nature Communication, piša tass.ru.
Monakłanalnyja antycieły — heta antycieły (białki), što vypracoŭvajucca imunnymi kletkami, jakija naležać da adnaho kletkavaha kłonu. Ich šyroka vykarystoŭvajuć u bijałohii i miedycynie, naprykład, na ich asnovie stvarajucca vakcyny.
Navukoŭcy z Utrechckaha ŭniviersiteta vyśvietlili, što monakłanalnaje antycieła 47D11 niejtralizuje białok, z dapamohaj jakoha virus SARS-CoV-2 pranikaje ŭ kletki čałavieka.
Aŭtary artykuła majuć namier praciahnuć ekśpierymienty z dadzienym antyciełam, kab u pierśpiektyvie stvaryć preparaty, nieabchodnyja dla lačeńnia karanavirusnaj infiekcyi.
Raniej pra padobnaje adkryćcio kanadskich navukoŭcaŭ zajaviŭ premjer-ministr Kanady Džaścin Trudo.