Novaja praca mastaka Benksi źjaviłasia ŭ balnicy anhlijskaha horada Saŭthiemptan, piša bbc.com.
Heta čorna-bieły malunak płoščaj adzin kvadratny mietr. Jon byŭ źmieščany ŭ faje balnicy, niedaloka ad dźviarej adździaleńnia reanimacyi, pa damoŭlenaści z kiraŭnictvam ustanovy.
Na malunku — chłopčyk u kambiniezonie, jaki siadzić la śmietnicy. Jon vykinuŭ fihurki Čałavieka-pavuka i Betmena i hulaje z novym hierojem, dakładniej, hierainiaj — miedsiastroj Nacyjanalnaj słužby achovy zdaroŭja.
Ruka miedsiastry vyciahnutaja napierad, jana jak byccam lacić u pavietry ŭ pozie Supiermena.
Na jaje tvary miedycynskaja maska, na śpinie — nakidka, na fartuchu — Čyrvony Kryž (adziny kalarovy elemient karciny).
Mastak pakinuŭ lekaram pasłańnie: «Dziakuj za toje, što vy robicie. Spadziajusia, karcina dapamoža zrabić heta miesca jaskraviejšym, choć jana i čorna-biełaja».
Praca pravisić u balnicy da vosieni, paśla čaho jaje pradaduć z aŭkcyjonu, vyručka ad prodažu pojdzie Nacyjanalnaj słužbie achovy zdaroŭja Vialikabrytanii.