Biełarusy nazaŭsiody źviazany kroŭnymi vuzami z brackimi narodami, razam ź jakimi našy baćki i dziady spynili katastrofu dvaccataha stahodździa. Pra heta zajaviŭ Alaksandr Łukašenka, vystupajučy na vajennym paradzie, piša sb.by
Adnak śviet, adznačaje jon, ihnaruje trahičnyja ŭroki minułaha:
— Čym dalej my addalajemsia ad padziej Vialikaj Ajčynnaj vajny, tym ahresiŭniej i niebiaśpiečniej jon stanovicca. Płanieta napalvajecca novymi ahmieniami ŭzbrojenych kanfliktaŭ. Znoŭ hinuć mirnyja ludzi. I na hetym fonie adradžajucca idei nacyzmu. Ich novy śled — razburanyja pomniki voinam-vyzvalicielam, hieraizacyja hitleraŭskich złačyncaŭ, falsifikacyja histaryčnych faktaŭ Druhoj suśvietnaj vajny.
Biełaruś, padkreśliŭ kiraŭnik dziaržavy, miralubnaja i adkrytaja kraina. Ale naš histaryčny vopyt nahladna pakazaŭ:
— Dypłamatyja miždziaržaŭnaha dyjałohu nie pierakanaŭčaja biez najaŭnaści efiektyŭnaj sistemy biaśpieki. I siońnia va ŭmovach naroščvańnia i aktyvizacyi vajennaj dziejnaści NATA ŭ niepasrednaj blizkaści ad našych miežaŭ hety tezis asabliva aktualny.
