Deputaty Ryjhikohu (parłamienta) razhledzieli ŭ pieršym čytańni papraŭki da Zakona ab asnoŭnaj škole i himnazii, zhodna ź jakimi nastaŭniki buduć vusna chvalić vučniaŭ, a nie vystaŭlać adznaki pa piacibalnaj škale, piša Postimees.
Papraŭki inicyjavała apazicyjny deputat Ryjhikohu Lijna Kiersna (Partyja reformaŭ).
Zhodna z tłumačalnaj zapiskaj da zakonaprajekta, heta dazvolić paźbiehnuć dublavańnia pracy dla nastaŭnikaŭ, jakija vykarystoŭvajuć słoŭnaje aceńvańnie, i źnizić ich pracoŭnuju nahruzku. Kali pry źmienie škoły kiraŭnictva novaj navučalnaj ustanovy ŭsio ž pažadaje, kab aceńvańnie było pieratvorana ŭ adznaki pa piacibalnaj škale, škoły mohuć zrabić heta pa damoŭlenaści.
Zhodna ź dziejučym zakonam, vyniki aceńvańnia pavinny być pieratvoranyja ŭ adznaki pa piacibalnaj škale, kali vučań pakidaje navučalnuju ŭstanovu abo nie paźniej, čym da kanca pačatkovaj škoły.
