Śviatłana Cichanoŭskaja, fota Nadziei Bužan
38-hadovaja pierakładčyca Śviatłana Cichanoŭskaja, žonka aryštavanaha błohiera Siarhieja Cichanoŭskaha, pryniesła ŭ CVK dakumienty na ŭdzieł u prezidenckich vybarach za hadzinu da skančeńnia dazvolenaha času.
Učora Śviatłana pa davieranaści padała zajaŭku za svajho muža, adnak Centrvybarkam admoviŭ siamji Cichanoŭskich — maŭlaŭ, na dakumientach niama ŭłasnaha podpisa aryštavanaha błohiera.
Tady Śviatłana Cichanoŭskaja adniesła dakumienty ŭ CVK ad svajho imieni. Rašeńnie ab rehistracyi jaje inicyjatyŭnaj hrupy budzie pryniata ŭ aŭtorak, 19 maja.
«Padčas kampanii jana budzie pradstaŭlać intaresy ŭsich, chto choča žyć u krainie dla žyćcia i padtrymlivaŭ vyłučeńnie ŭ prezidenty Siarhieja Cichanoŭskaha. Uznačalić inicyjatyŭnuju hrupu sam Siarhiej», — patłumačyli prychilniki błohiera ŭ jaho sacsietkach.
Śviatłana Cichanoŭskaja, fota Vk.com