Pradavačka kramy kaśmietyki ŭ Minsku prysvoiła bolš za 3 tysiačy rubloŭ, paviedamlaje MUS.
U staličnuju milicyju źviarnuŭsia kiraŭnik sietki kram kaśmietyki z prośbaj razabracca ŭ situacyi, čamu ŭ knizie skarhaŭ i prapanoŭ vyrvana staronka. Apieratyŭniki vyśvietlili, što staronku vyrvała 18-hadovaja pradavačka kramy. Pryčynaj pasłužyła napisanaja skarha aburanaj naviedvalnicy: jana apłaciła košt tavaru ŭ poŭnym pamiery, choć u čeku była źnižka.
Apieratyŭniki vyśvietlili, što dziaŭčyna-pradaviec takim čynam «dała» kala 100 źnižak na pakupki roznym pakupnikam, skarystaŭšysia svajoj źnižkavaj kartaj, a roźnicu ŭ košcie tavaru prysvojvała sabie. Akramia taho, kupli, zroblenyja za hatoŭku, ček pa jakich pakupnik nie prasiŭ, jana anulavała, a hatoŭku z kasy zabirała sabie. Škoda skłała kala 3 tysiač rubloŭ.
