Vypusknyja ekzamieny ŭ škołach Biełarusi projduć z 1 pa 9 červienia, paviedamlaje Ministerstva adukacyi.
Dla navučencaŭ 9-ch kłasaŭ vyznačany try daty dla zdačy vypusknych ekzamienaŭ — 2, 4, 9 červienia. U hetyja dni vypuskniki bazavaj škoły napišuć dyktanty pa biełaruskaj i ruskaj movach, vykanajuć kantrolnuju rabotu pa matematycy. Vučni 11-ch kłasaŭ buduć pisać pierakaz pa biełaruskaj abo ruskaj movie (u zaležnaści ad svajho vybaru), vykanajuć kantrolnuju rabotu pa matematycy, zdaduć u vusnaj formie vypusknyja ekzamieny pa historyi Biełarusi i zamiežnaj movie. Dla vučniaŭ 11-ch kłasaŭ taksama ŭstanoŭleny try daty praviadzieńnia piśmovych vypusknych ekzamienaŭ — 1, 3, 5 červienia.
Viedamstva ŭstanaŭlivaje adzinyja dni dla praviadzieńnia piśmovych vypusknych ekzamienaŭ. A voś kankretny raskład z paznačeńniem, u jaki dzień i pa jakim mienavita vučebnym pradmiecie projdzie ekzamien, składajecca niepasredna ŭ samoj škole, himnazii abo licei.
