Ministerstva achovy zdaroŭja abnaviła infarmacyju pra pastupleńnie achviaravańniaŭ na dabračynnyja rachunki Respublikanskaha centra arhanizacyi miedycynskaha reahavańnia dla baraćby z raspaŭsiudžvańniem COVID-19, paviedamlaje viedamstva ŭ svaim telehram-kanale.
«Usiaho z 25 sakavika pa 20 maja 2020 hoda na dabračynny rachunak u biełaruskich rublach pastupiła 5 710 597,52 rubloŭ, na rachunak u valucie — 171 339,32 jeŭra», — adznačyli ŭ pres-słužbie.
U pryvatnaści paviedamlajecca, što za 18 maja pastupiła 18 855,37 rubloŭ ad fizičnych i jurydyčnych asob, za 19 maja — 5 251,66 rubloŭ vyklučna ad fizičnych asob.
Na 20 maja na dabračynnych rachunkach zastavałasia bolš čym 211 tys. rubloŭ i 171,3 tys. jeŭra.
Z dabračynnaha rachunku ŭ biełaruskich rublach pa stanie na 20 maja vydatkavana kala 5,5 młn rubloŭ. U tym liku ŭ UP «Biełmiedtechnika» adpraviłasia 4 683 020 rubloŭ (13 maja pieraviedziena bolš jak Br1 młn dla zakupki ekspres-testaŭ). RNPC epidemijałohii i mikrabijałohii atrymaŭ bolš jak 364 300 rubloŭ, RNPC transfuzijałohii i miedycynskich bijatechnałohij - zvyš 102 000 rub. (11 maja pieraviedziena 11 tysiač dla zakupki dvuch centryfuh). Nacyjanalnaje antydopinhavaje ahienctva atrymała 350 000 rubloŭ.
Dabračynny rachunak byŭ adkryty ŭ suviazi sa šmatlikimi zvarotami, jakija išli na adras Ministerstva achovy zdaroŭja ad biznesmienaŭ krainy, rezidentaŭ PVT, pramysłovych pradpryjemstvaŭ i zvyčajnych hramadzian, hatovych unieści achviaravańni.
Raźlikovy rachunak u biełaruskich rublach — BY29AKBB36429000000800000000 u AAT «ASB Biełarusbank», BIK — AKBBBY2X, UNP — 190263723.
Raźlikovy rachunak u jeŭra — BY93AKBB36429000003150000000 u AAT «ASB Biełarusbank», BIK — AKBBBY2X, UNP — 190263723.
