«Anioł»
Siońnia supracoŭniki milicyi i vałanciory pošukava-vyratavalnaha atrada «Anioł» pry dapamozie bieśpiłotnika znajšli aŭtamabil źnikłaha bolš za dva tydni tamu minčuka. U mašynie znajšoŭsia i jaje haspadar — jaho špitalizavali ŭ ciažkim stanie, piša Tut.by.
— Supracoŭniki milicyi vydzielili pryjarytetny rajon u Minskaj vobłaści dla ahladu i padniali ŭ pavietra bieśpiłotnik. U lasnym masivie na hruntavaj darozie bieśpiłotnik zasiek aŭtamabil źnikłaha. Kali milicyjanty i vałanciory pryjechali na miesca, to ŭ mašynie znajšli i jaje ŭładalnika. Mužčyna nie moh samastojna pierasoŭvacca, i jaho špitalizavali ŭ ciažkim stanie, — raspaviali TUT.BY u «Aniole».
Nahadajem, bolš za dva tydni milicyja i rodnyja šukali źnikłaha 47-hadovaha Aleha Bykava. Jon byŭ u svajoj maci ŭ vioscy Kazaki ŭ Vałožynskim rajonie, adkul ranicaj 4 maja źjechaŭ u nieviadomym kirunku na svaim aŭtamabili Lancia Delta siniaha koleru.
