flickr.com
U Čarnahoryi vyzdaravieli ŭsie pacyjenty, jakija byli zaražanyja novym karanavirusam. U krainie nie zastałosia aktyŭnych vypadkaŭ zachvorvańnia. Pra heta paviedamiŭ u svaim tvitary Instytut hramadskaj achovy zdaroŭja Čarnahoryi.
Viedamstva padziakavała žycharam krainy za nastojlivaść i padtrymku.
Usiaho z momantu pačatku ŭspyški zachvareli 324 čałavieki. Ź ich 315 vyzdaravieli, 9 — pamierli.
15 sakavika Čarnahoryja zabaraniła ŭjezd na terytoryju krainy ŭsim zamiežnym hramadzianam, akramia tych, chto mieŭ dazvoł na žycharstva. Byli začynieny ŭsie hateli i viły, restarany, u kramach byli ŭviedzienyja strohija abmiežavańni na adnačasovuju kolkaść naviednikaŭ.
U kancy krasavika adpor karanavirusu dali Farerskija vyspy, ale heta aŭtanomny rehijon Danii.
Adzinkavyja vypadki infiekcyi fiksujucca ŭ Litvie, Łatvii, Estonii, Słavaččynie, Słavienii, Hrecyi, Charvatyi, Finlandyi, Narviehii, Isłandyi. Hetyja suvymiernyja ź Biełaruśsiu krainy taksama blizkija da pieramohi nad epidemijaj.