Adnu tysiaču dalaraŭ Zimbabve pasprabavali pieratvaryć u kupiuru jeŭra anałahičnaha naminału: redkuju falšyŭku daśledavali hrodzienskija ekśpierty. Ab hetym BiełTA paviedamili va ŭpraŭleńni Dziaržaŭnaha kamiteta sudovych ekśpiertyz pa Hrodzienskaj vobłaści.
Fota DKSE.
U adnym z bankaŭ 65-hadovy miascovy žychar pasprabavaŭ abmianiać kupiuru naminałam u 1 tys. jeŭra. Banknota vyklikała sumnievy ŭ supracoŭnicy banka, jana paviedamiła ŭ milicyju. Kupiuru kanfiskavali.
Ekśpierty vyśvietlili, što kupiura źjaŭlajecca hrašovym biletam reziervovaha banka Zimbabve naminałam 1000 dalaraŭ uzoru 2007 hoda.
«Umielcy» źmianili najmieńnie banka emitenta i nazvu valuty z dapamohaj kamputarnaj techniki», — raspaviali ŭ DKSE.
Uładalnik kanfiskavanaj banknoty rastłumačyŭ pravaachoŭnikam, što jana dastałasia jamu niekalki hadoŭ tamu ŭ spadčynu ad baćki. Pra toje, što kupiura moža być padroblenaj, mužčyna nie zdahadvaŭsia.
Tysiača zimbabvijskich dalaraŭ na siońniašni dzień kaštuje kala 2,5 jeŭra.