Alaksandr Łukašenka padpisaŭ ukaz numar 177 «Ab mierach pa raźvićci paŭdniova-ŭschodniaha rehijona Mahiloŭskaj vobłaści».
Dakumient pradaŭžaje da 2025 hoda dziejańnie asnoŭnych pałažeńniaŭ ukaza ad 8 červienia 2015 hoda numar 235 «Ab sacyjalna-ekanamičnym raźvićci paŭdniova-ŭschodniaha rehijona Mahiloŭskaj vobłaści». Heta daść mahčymaść stvaryć dadatkovyja ŭmovy dla kompleksnaha raźvićcia hetaha rehijona, pavyšeńnia ŭzroŭniu žyćcia nasielnictva.
Ukazam vyznačany paradak pradastaŭleńnia arhanizacyjam vypłat z respublikanskaha biudžetu na pakryćcio častki zatrat, jakija jany paniasuć pry realizacyi ŭ 2021-2025 hadach inviestycyjnych prajektaŭ. Pieralik hetych prajektaŭ vyznačajecca ŭradam na padstavie prapanoŭ Mahiloŭskaha abłvykankama.
Rajvykankamam rehijona pradastaŭleny paŭnamoctvy na rasparadžeńnie majomaściu, jakaja znachodzicca ŭ respublikanskaj ułasnaści i ŭklučana ŭ pieralik nievykarystoŭvajemaj abo nieefiektyŭna vykarystoŭvajemaj. Akramia taho, u hramadzian źjaviłasia mahčymaść atrymlivać va ŭłasnaść arendnaje žyllo i niezapatrabavanyja žyłyja pamiaškańni. Dakumientam praduhledžany i inšyja miery padtrymki, u tym liku pa techničnym pieraasnaščeńni sielskahaspadarčaj vytvorčaści i budaŭničych arhanizacyj.
