Papularny palityčny błohier Siarhiej Cichanoŭski adkazaŭ na krytyku Alaksandra Łukašenki ŭ jaho adras.
Nahadajem, siońnia Łukašenka vykazaŭsia pra Cichanoŭskaha. «My viedajem, na čyich mašynach jon jeździć, chto jaho finansuje. My viedajem, adkul jon pryjechaŭ, jakoje ŭ jaho hramadzianstva i inšaje… My ŭsio heta viedajem. Dy ja ŭžo hladžu, mnie dajuć infarmacyju, užo našy ludzi ŭbačyli», — adznačyŭ Łukašenka.
Fota Nadziei Bužan
«Majo proźvišča tam nie nazyvajecca, ale namiok na mianie: «My viedajem, jakoje ŭ jaho hramadzianstva». Vo infarmacyjaj vałodajuć, vo analityčnuju rabotu praviali! U mianie adno hramadzianstva, inšych nikoli ŭ mianie nie było. Adnosna hrošaj — u mianie biznes z 2005 hoda, u mianie jość hrošy», — adkazaŭ karespandentu «Našaj Nivy» Cichanoŭski.
Varta dadać, što Siarhiej Cichanoŭski ciapier dobra zarablaje jak videabłohier — na siońnia jon adzin z samych papularnych jutubieraŭ Biełarusi. Pavodle acenak ekśpiertaŭ, da jakich źviartałasia «Naša Niva», ad svajho videabłoha i z danataŭ jon atrymlivaje kala 3000 dalaraŭ za miesiac.
