Pra heta Alaksandr Łukašenka zajaviŭ na naradzie z kiraŭnikom Administracyi Iharam Sierhiajenkam, kiraŭnikami dźviuch pałat parłamienta Natallaj Kačanavaj i Uładzimiram Andrejčankam, sakratarom Rady biaśpieki Andrejem Raŭkovym, piša BiełTA.
Kiraŭnik dziaržavy adznačyŭ, što maštabnyja źmieny ŭ składzie ŭrada niepažadanyja jašče i z pryčyny biahučaha momantu — kryzisnych źjaŭ u suśvietnaj ekanomicy va ŭmovach pandemii. «Heta było b vielmi drenna. Bo ciapier uvieś śviet ustupiŭ u pałasu niebyvałaha ekanamičnaha kryzisu, jaki ŭ luboj dziaržavie paciahnuŭ surjoznyja źmieny adnosin u hramadstvie. Nastupstvy hetaha kryzisu buduć vielmi surjoznyja. Tamu rezki złom, zamiena ŭsich členaŭ urada było b niapravilnaj z punktu hledžańnia biahučaha momantu. Dy i nieabchodnaści takoj niama. Vyrasła novaje pakaleńnie kiraŭnikoŭ, jakija siabie dobra pakazali i pracavali niadrenna va ŭradzie. Navošta ich mianiać? Jany mohuć pracavać», — skazaŭ jon.
«Tyja, chto siońnia z takimi abjomami ŭ hety kryzisny pieryjad nie moža spravicca, ich, viadoma, treba zamianić i nakiravać na inšuju pracu», — dadaŭ Alaksandr Łukašenka.
Jon pryvioŭ jašče adzin arhumient da taho, čamu nielha ciahnuć dalej z abmierkavańniem i nastupnym pryniaćciem adpaviednych rašeńniaŭ. «Ja ŭžo skazaŭ: suśvietny kryzis adbivajecca i na Biełarusi. Dobra, što my tak vyviernulisia, vykrucilisia ŭ hetaj situacyi z pandemijaj, nie spynili vytvorčaść. Kali b spynilisia, my b nikoli nie zapuścili hetu vytvorčaść. Heta tolki ŭ kazcy mahło zdarycca», — zaŭvažyŭ biełaruski kiraŭnik.
