U Minsku źjaviłasia mahčymaść raźličycca za pajezdku ŭ maršrutnych taksi pry dapamozie sistemy «Apłata». Sistema ŭžo pracuje ŭ 10 mikraaŭtobusach maršrutu № 1077, paviedamlajuć «Minsk-Naviny».
U sałonach źjavilisia šyldy z QR-kodam. Pra toje, što na maršrucie možna skarystacca sistemaj «Apłata», infarmujuć i admysłovyja nalepki na kuzavach mikraaŭtobusaŭ.
Jak padkreśliŭ namieśnik staršyni Minharvykankama Alaksandr Darachovič, ukaranieńnie novaha sposabu apłaty prajezdu ŭ maršrutnych taksi stalicy pradyktavana žadańniem haradžan mieć mahčymaść apłacić pajezdku biez vykarystańnia najaŭnych hrošaj.
— Siońnia zapuścili servis na pieršych 10 mašynach, upeŭnieny, što žychary aceniać jaho i taki sposab apłaty raspaŭsiudzicca i na inšyja maršrutnyja taksi, — skazaŭ Darachovič.
