Milicyja zatrymała žychara Minskaha rajona, jaki ź vieraśnia 2019 hoda kraŭ hrošy ŭ kabinietach administracyjnych budynkaŭ.
Pavodle apieratyŭnaj infarmacyi, 39-hadovy mužčyna pryjazdžaŭ u stalicu ciaham 9 miesiacaŭ z metaj pažyvicca. Dla hetaha biespracoŭny zachodziŭ u administracyjnyja budynki, znachodziŭ słužbovyja kabiniety, jakija rabotniki zabylisia zamknuć, i vykradaŭ hrošy z sumak. Apošni raz mužčyna prakraŭsia ŭ adnu z ustanoŭ, uzłamaŭ dźviery harderoba i z kurtki, jakaja naležyć zamiežnamu hramadzianinu, vykraŭ kala 8000 rubloŭ. Paciarpieły raspavioŭ, što hrošy adkładvaŭ na kuplu kvatery, a, pakolki pražyvaŭ u internacie i bajaŭsia, što ich mohuć skraści, nasiŭ z saboj.
Pravaachoŭniki majuć padstavy mierkavać, što mužčyna ździejśniŭ jak minimum 10 epizodaŭ kradziažoŭ u roznych rajonach stalicy. Ahulny ŭron składaje bolš za 8000 biełaruskich rubloŭ.
Sa słoŭ zatrymanaha, vykradzienyja hrošy jon traciŭ na ałkaholnyja napoi, pradmiety interjeru i pačastunki dla siabroŭ. Jak pryznaŭsia mužčyna, 50 rubloŭ jon taksama daŭ čałavieku, jaki prasiŭ miłaścinu.
Viadoma, što raniej žychar Minskaha rajona nieadnarazova pryciahvaŭsia da kryminalnaj adkaznaści.
