«Učora ŭ Rasii adbyłasia padzieja, dosyć znakavaja dla ŭsich žycharoŭ usich krain, u jakich niama realnaj svabody słova. Nu, takich, jak Biełaruś, — piša ŭ fejsbuku zasnavalnik homielskich «Mocnych navinaŭ» Piatro Kuźniacoŭ. — Raskamnahlad aficyjna abviaściŭ pra admienu błakavańnia Telehrama.
Jak by skazać, u ich takim čynam nie atrymałasia błakavać jaho, ale rašeńnie było. I sproby, durnyja i bieskarysnyja, byli.
Ale aficyjnaje rašeńnie ab admienie aznačaje, što takaja kraina, jak Rasija, ź vializnymi ličbavymi mahčymaściami, pryznała, što heta na siońniašni dzień niemahčyma.
Heta značyć, što i ŭ nas u rukach jość kanał pašyreńnia infarmacyi, u jakim my možam być peŭnyja na hady napierad: jon budzie, što b tam ni haradziŭ Mininfarm.
Za apošnija 5 hadoŭ šyrokaje pašyreńnie internetu ŭ našaj krainie, raźvićcio anłajn-miedyja, bum telehram-kanałaŭ nie pakinuli kamienia na kamieni ad papularnaści ŭładaŭ i Łukašenki, jakija mieli miesca ŭ papiarednija 20 hadoŭ i hruntavalisia, u pieršuju čarhu, na infarmacyjnaj hiehiemonii.
Takija štuki, jak pieramoha Telehrama nad dziaržavaj u Rasii ci, naprykład, spadarožnikavy internet, jaki zapuskaje dla ŭsiaho śvietu Iłan Mask, robiać viartańnie ŭ minułaje niemahčymym.
Jak by jany ni staralisia», — piša Piatro Kuźniacoŭ.
