ES nastojliva zaklikaje biełaruskija ŭłady zabiaśpiečyć realnyja kankurentnyja ŭmovy ŭ pieradvybarnaj kampanii. Ni adzin patencyjny kandydat nie pavinien być pazbaŭleny mahčymaści zarehistravacca z-za palityčna matyvavanych abmiežavalnych mier. Pra heta havorycca ŭ zajavie ES.
— ES zaklikaje biełaruskija ŭłady nieadkładna vyzvalić Viktara Babaryku i jahonaha syna Eduarda z papiaredniaha źniavoleńnia i harantavać poŭnaje vykanańnie viaršenstva zakona, uklučajučy prava na sumlennaje i prazrystaje rasśledavańnie i prava na advakata, — havorycca ŭ zajavie.
U ES miarkujuć, što biełaruskija ŭłady pavinny pavažać asnoŭnyja svabody i pravy čałavieka ŭ adpaviednaści ź mižnarodnymi abaviazacielstvami Biełarusi — ustrymlivacca ad lubych abmiežavańniaŭ pravoŭ patencyjnych kandydataŭ i paźbiahać lubych zatrymańniaŭ mirnych demanstrantaŭ.
— Paviedamleńni ab vypadkach žorstkaha abychodžańnia z asobami, zatrymanymi za ŭdzieł u mirnych akcyjach pratestu, u tym liku Paŭła Sieviarynca, vyklikajuć krajniuju tryvohu, — havorycca ŭ zajavie ES.
— Biaśpiečnyja, mirnyja, svabodnyja i spraviadlivyja vybary buduć spryjać demakratyčnamu raźvićciu ŭ Biełarusi, umacujuć jaje suvierenitet i niezaležnaść i prakładuć šlach da bolš ciesnaha supracoŭnictva ź ES i ekanamičnaha roskvitu biełaruskaha naroda, — havorycca ŭ zajavie ES.
